Бүгін Қазақстанның астанасында Save Bozjyra қозғалысының қатысушылары Бозжыра шатқалын қорғауға бағытталған экологиялық арт-акция өткізді. Акция аясында заманауи өнер суретшісі Асхат Ахмедияров перформанс жасады: ол бақсы костюмінде дабыл мен қамшы көмегімен Министрліктер Үйі алдында «тазарту рәсімін» жасады. Шатқалды қорғау қозғалысының белсенді мүшесі Әлия Ахмалишева «Bozjyrany Saqtaiyq» атты жазуы бар жалауды ұстап жүрді.
Перформанс бойы болып жатқан оқиғаны тәуелсіз редакциялардың журналистері, сондай-ақ құқық қорғау органдарының қызметкерлері бақылап отырды. Полиция мен арнайы күштер белсенділерді кеттлинг кезіндегідей шеңберден шығармай қоршап алды. Бұл әдісті құқық қорғау органдары 2020 жылдан бастап бейбіт акциялар қатысушыларына қарсы қолдана бастады. Асхат Ахмедияров пен Әлия Ахмалишева сағат 13:00 шамасында ұсталды. Олар Есіл ауданының АІІБ-не жеткізілді деген болжам бар.
Бозжыраны сақтау қозғалысы және Adamdar/CA тобы медиа, мәдениет және өнер өкілдерін ұсталған белсенділерге ынтымақтастық білдіруге және Әлия Ахмалишева мен Асхат Ахмедияровтың тез арада босатылуын талап етуге шақырады.
UPD: Шамамен сағат 15:00-де Ахмалишева және Ахмедияров Есіл ауданының АІІБ-нен босатылды.
Суретші туралы
Асхат Ахмедияров — қазақстандық суретші, еліміздегі заманауи өнердің ең жарқын өкілдерінің бірі, резонанстық арт-жобалар мен спектакльдердің авторы. Азаттық радиосы үшін түсірілген Асхат Ахмедияров пен оның өнері туралы Санат Урналиевтің бейнесін сілтеме арқылы көруге болады.
Тақырыпқа кіріспе және басқа да материалдар:
«Бозжыраны құтқару» — Ажар Жандосовамен сұхбат
«Бозжыра: жер беті мен тылсым әлем арасы» — мәдениеттанушы Зира Наурызбаеваның Бозжыра шатқалының мәдени және киелі мәні жайлы эссесі
«Белсенділер Бозжыраны сақтауды талап етуде»
«Бозжыраға қайтадан қауіп төнді»
«Пол Салопек — Бозжыраға төнген қауіп туралы»
Adamdar/CA редакцияся Бозжыра шатқалы айналасындағы жағдайды бақылауды жалғастыруда.
